பார்வைகள்

"எப்படி இருந்த நாம இப்படி ஆகிட்டோம்" னு சங்கத்து சிங்கங்களோடு சேர்ந்து நானும் சொல்லிக்கிறேன்.. அது ஒரு கனாக்காலம்..  ஒரு முறை வவாச ' பற்றிய ஒரு எஸ்எம்எஸ் வந்தது. இரண்டு முன்று நாள் கழித்து ஆன்லைன் வந்த  தேவ்'விடம் சொன்னேன்... "அட எஸ்எம்எஸ் எல்லாமா வருது, உடனே எனக்கு அனுப்புங்க.. அம்புட்டு பெரிய ஆளுங்களாவா ஆகிட்டோம்" னு கேட்டாங்க.. தேடி தேடி பாத்தேன் மெஸேஜை காணல... :( அனுப்ப முடியலன்னு ஒரே வருத்தமா போச்சி...

வவாச வின் வளர்ச்சி??! சேவைகள்??!! பற்றி பேச நிறைய இருக்கு... ஒவ்வொரு சிங்கமும் ..ஒவ்வொரு தனித்துவம் கொண்டவங்க. எனக்கு தெரிந்த, அவர்களின் எழுத்தையும், நகைச்சுவையையும் படித்து படித்து சிரித்து மகழ்ந்தது... கைப்ஸ், ஜொள்ஸ், தேவ், சிவா, ராம், இளா. சிபி,வெட்டி, கப்பி, கேஆர்எஸ் & பொன்ஸ்...சான்ஸே இல்ல!!

இந்த கைப்ஸ் எப்படித்தான்  அப்படி எழுதறாரோ.?. அவருடைய எழுத்து நிறைய நேரம் எனக்கு புரிவதில்லை. அவரின் எல்லா எழுத்திலுமே ஒரு நகைச்சுவை கலந்து இருக்கும். சிரிக்காமல் இருக்கவே முடியாது. இவர் தான் சங்கத்தோட தலைவர். :))

ஒரு சிங்கத்துக்கு மட்டும் எப்பவும் நான் விசிறி'ன்னு சொல்லுவேன்.. அது ஜொள்ஸ் தான்.!!  யப்பாஆஆ என்னாமா ஜொள்ளு விடுவாரு.. அதுவும் அவரின் கல்யாணம் முடிந்து வந்து போட்டாரு பாருங்க ஒரு போஸ்ட் டு... அந்த கடவுளுக்கே அடுக்காது.. :))) அவ்வளவு ஜொள்ளு... ஜொள்ஸ்....எங்கப்பா போனீங்க நீங்க??!!!   இவரு மட்டும் இப்ப எழுதிக்கிட்டு இருந்தா. பெண்ணியவாதிகள் வினவுக்கிட்ட இவரை போஸ்டும்-ஜொள்ளுமா பிடிச்சி கொடுத்து இருப்பாங்க.. நிலைமை அப்படி இருக்கு!  :)  

ஆனா நாங்க எல்லாம் அவரோட ஜொள்ளு பதிவுகளை ரசிச்சோம், அவரோட சேர்ந்து ஜொள்ளு விட்டோம், வயிறு வலிக்க சிரிச்சோம், சந்தோஷமாக இருந்தோம். அப்ப எல்லாம் எங்களுக்குள்ள போட்டி, பொறாமை, " பிரபல" என்ற வார்த்தை இல்லை, நான் பெரியவன் நீ பெரியவன் போன்ற எண்ணமே இல்லை, பெண், ஆண் என்ற வித்தியாசம் எதுவும் இல்லை...  எல்லாம் கூடி கும்மாளம் போட்டோம், ஒருவரை பற்றி ஒருவரிடம் புகார் சொன்னது இல்ல... அசிங்கப்படுத்திக்கிட்டது இல்ல.. அப்படியே எதாவது நடந்திருந்தாலும் அது பொதுவெளியில் இல்லை. ரொம்பவே  சந்தோஷமான நாட்கள்..

அடுத்து கச்சேரி தேவ், இவருக்கிட்ட மைக் கொடுக்கற வரை எங்க இருக்காரு ன்னு தெரியாது, மைக் கைல கிடைச்சவுடனே பேச ஆரம்பிப்பாரு பாருங்க.. "டாட்" டே  கிடையாது..எல்லாம் "கமா" தான்..... நாந் ஸ்டாப் ஆக பேசிக்கிட்டே இருப்பாரு.. (யார்ப்பா அது ... அம்புட்டு வெட்டியான்னு கேக்கறது??)..

அப்புறம் சொல்லவே வேணாம்..சிபி.. தனி ட்ராக் காமெடி.. எவ்வளவு சீரியசா.. மூக்குல ட்யூப் விட்டுக்கிட்டு நீங்க பேசினாலும்..  அதை காமெடியாக்கி.. நம்மை "ஞே" ன்னு முழிக்க வைச்சிடுவாரு..... நயன்தாரா அப்படீன்னு சொன்னா போதும் பிரபுதேவா வை தள்ளிவிட்டுட்டு வந்து நிப்பாரு.. :), சிம்புக்கிட்டவே இதற்காக நிறைய தரம் அடி வாங்கி இருக்காரு, எப்ப பிரபுதேவா கிட்ட வாங்கபோறார்ன்னு நாங்க எல்லாம் வெயிட்டிங்கு.. !! :)

ம்ம்ம்..இவிங்களுக்கு நடுவுல ராயல் ராம் ஐ பத்தி சொல்லனும்னா, எல்லாரையும் எப்பவும் நானே கேள்வி கேட்டுக்கிட்டு இருக்கேன்னு, கடுப்பாகி, முதல் முறையா என்னை கேள்வி கேட்டு, அவர் பதிவில் போட்ட நல்லவரு. .வல்லவரு.. :) , ரொம்ப ஸ்ட்ரிக்ட் ஆபிசர்.

அப்புறம் வெட்டிபயல், இவரோட கதைகள் மட்டும் படிச்சி இருக்கேன்.. சுவாரஸ்யமாக யதார்த்தமா கொண்டு போவாரு... அதற்கு மேல் வெட்டியை பற்றி எனக்கு தெரியல..கேள்வி கேட்டுத்தான் தெரிஞ்சிக்கனும்.

அடுத்து சிவா(புலி)... சமுதாயம் சார்ந்த ஆர்வமும் அதையொட்டிய எழுத்தும் நிறைய இருக்கு.. கொஞ்சம் அப்படி இப்படின்னு இருந்தார்ன்னா எதிர்காலத்தில் நம்மை எல்லாம் ஆளக்கூடிய அரசியல் தலைவராக வர சான்ஸ் இருக்கு... சூப்பரா சமைப்பாரு (நான் சாப்பிட்டது இல்ல அதான் சொல்றேன்), கடைசியா இவருக்கு கவிதை ரொம்ப நல்லா எழுத வரும்!! (கடவுளே இதுக்காக மட்டும் என்னை மன்னிச்சிடு) 

இளா ..வவாச சங்கத்தில் தனியா ஒரு சிங்கம் சுத்திக்கிட்டு இருக்குன்னா அது..இந்த சிங்கம் தான். slumdog millionaire படத்தில் நடித்த குழந்தைகளின் உண்மையான வறுமை நிலைமை பற்றிய இவருடைய  ஒரு பதிவு என்னால் மறக்க முடியாதது. இதை லிங்க் கொடுக்க போன போது அவர் ப்ளாகில் பாடிய பாடலையும்..:)

கப்பி ..:))  .இவரை பார்த்தால், உடனே யாராக இருந்தாலும் “நமிதா வாழ்க” அப்படீன்னு சொல்லனும்..:), சங்கத்தின் ஏடிம், தன் சம்பளத்தில் தனக்காக 25% உம், 78% நமிதா க்காகவும் சேர்த்துவைத்துக்கொண்டு இருக்கிறார். அந்த இடிக்கிற 3% ஓவர் டைம்ல வரது..:)

கேஆர்எஸ் - இவர் ஒரு முருக பக்தர். சாமியார் னு பரவலா சொல்லிக்கிறாங்க. தனிப்பட்ட முறையில் அதிகம் தெரியாது. அதனால் சாய்ஸ்சில் விட்டு விடுகிறேன்.

லாஸ்ட் பட் நாட் லீஸ்ட்,  எங்களின் அன்பு தலைவி, ஆருயிர் தோழி, லட்சிய லட்சுமி, புரட்சி பம்மல்,சே..செம்மல், தங்க தாரகை யானையக்கா பொன்ஸ்.!! இவங்களை பத்தி சொல்லனுமா என்ன?

கொசுறு : இப்ப புதிதாக இரண்டு பேர் சேர்ந்து இருக்காங்களாம், பதில் வந்தபிறகு நோட் பண்ணது.. அந்த கொசுறுகள்- அபிஅப்பா & விஜிராம் (இதுவரைக்கும் எல்லாம் நல்லாத்தான் போயிக்கிட்டு இருந்திச்சி... ம்ம்ம்ம்...!!  இனி சங்கத்தோட நிலைமை.. அய்யோ பாவம்..!! )

ஒவ்வொருத்தருக்கு ஒவ்வொரு தனித்துவம் இருந்தாலும், சிங்கங்களுக்கு எந்த நேரத்திலும் இருந்த ஒரே ஒற்றுமை.. " சிரிக்க வைப்பது" இதை பாரபட்சமின்றி செய்துக்கிட்டு இருந்தாங்க.  எங்களை எல்லாம் சிரிப்பா சிரிக்க வைத்த சிங்கங்கள் இப்ப எங்க போனாங்க ன்னு தான் தெரியல??!!!!..எத்தனை ஒற்றுமையாக கூடி கும்மாளம் இட்ட கூட்டம் சிறகு முளைச்சி தன் வேலை தன் வீடு தன் குழந்தைகள் ன்னு பிரிஞ்சி போயிட்டாங்க... எப்பவாவது முகத்தை காட்டறாங்க..ஆனா வவாச வில் இல்லாமல் அவங்க வீட்டில் இருந்துக்கிட்டு "ஹாய் பாஸ்" ன்னு கை காட்டறாங்க. அவங்களை எல்லாம் திருப்பி ஒரு முறையாவது ஒன்றாக அழைத்து, முன்னமாதிரி பேசி, சிரித்து, கலாய்த்து சந்தோஷமாக இருக்க ஆசைப்பட்டு கேப்பங்கஞ்சியை காய்ச்சி வச்சிக்கிட்டு , சிங்கங்களுக்காக ரொம்ப நேரமா வெயிட்டிங்கு...... ஆஹா வந்துட்டாங்க.............

கஞ்சிய ஊத்தி ஊத்தி ஊத்தி...கேட்ட கேள்விகள் :- 

கவிதா : வவாச - இந்த ஐடியா யாருக்கு வந்தது? இதனை இன்னாரோடு எல்லாம் சேர்ந்து செய்யலாம்னு நினைத்து ஆரம்பித்தது யார்?
சிங்கங்கள்: இதுக்கு ஐடியா எல்லாம் குடுக்கிறாங்களா? நீங்க வேற. வாடா மச்சான், கைப்புள்ளன்னு ஒருத்தன் பதிவு ஆரம்பிச்சிருக்கான், தனித் தனியா அவனை  கலாய்ச்சது போதும், சேர்ந்து கலாய்க்லாம்னு கலாய்க்க ஆரம்பிச்சவங்க தேவ்,  பொன்ஸ், சிபி, ஜொள்ளுப்பாண்டி, கர்த்திக் ஜெயந்த், இளா. பிற்பாடு  வெட்டிப்பய, ராம், கப்பி, புலி, கடைசியா சாமியார் KRS. இந்த மாசத்துல ரெண்டு பேர் சேர்ந்தவங்க அபி அப்பாவும், விஜிராமும். முதல் பதிவு பாருங்க http://vavaasangam.blogspot.com/2006/04/test.html.  பதிவு போட்டதிலேர்ந்து வவாசவுக்கு அருமையான ஏறுமுகம் தாங்க.

அணில் : எல்லாம் சரி.. ஆல் யங்கஸ்டர்ஸ் இருக்கும் போது நடுவுல ஒரு ஓல்ட் மேன் எப்படி வந்தாரு.?. அட அதாங்க.. நம்ம சிபி அண்ணாச்சிய சொன்னேன்... அவர எப்படி ஒரு சிங்கமா உங்க கூட சேத்துக்கிட்டீங்க?
சிங்கங்கள் : அணிலு...சிபி ஓல்ட்மேன் அப்படின்னு நீ சொல்றதை நாங்க கண்டிக்கிறோம். அவருக்கு அப்படியென்ன வயசாகிருச்சுன்னு ஓல்ட் மாங்க். அய்யோ ஓல்ட் மேன்  அப்படின்னு சொல்ற.? நீ அதை எப்படிச் சொல்லலாம்? நாங்கதான் சொல்லுவோம்.  ( பதிலேஇல்லாம தப்பிச்சோம் பாத்தீயா?  இதுதான் சிபி ஸ்டைல். அதான்  சிபி வவாசவுல மூத்த உறுப்பினர்)

சிபி : Actually அணிலு... முதல்ல எனக்கு பதிலா டோண்டு’ வைத்தான் சேர்த்துக்கறதா இருந்தது, சமீபத்தில் தான் பிறந்தவர் என்பதால, அவருக்கு பதிலா எனக்கு அந்த வாய்ப்பு கொடுத்தாங்க.. என்னா ஒரு வில்லத்தனமான கேள்வி....ம்ம்ம்..?!!!

சிங்கங்கள் : இனிமையான நினைவுகள் எக்கச்சக்கம். எங்களுக்குன்னு ஒரு குழுமம் இருக்கு.  சந்தைக்கடை பாத்திருக்கீங்களா? பர்மா பஜார்? ரெங்கநாதர் தெரு? அட இதில எதுவுமே இல்லீன்னா பாராளமன்றம். அப்படித்தான் இருக்கும் குழுமம். ஒரே   சத்தமா இருக்கும். குழுமத்தில அருவா மட்டும் இருந்தா வெட்டு பட்டிருப்போம்.  அப்படி எல்லாம் சண்டை நடக்கும். அதுலயும் தேவ், கைப்ஸ், இளா, வெட்டின்னு  சத்தம் ஜாஸ்தியா இருக்கும். சிபிதான் வழக்கம்போல நடுவால பூந்து நாட்டாமை பண்ணுவாரு. கடைசியில எல்லாரும் ஒன்னு சேர்ந்துப்பாங்க. கடைசியா வந்த சிபிக்கு மட்டும் டேமேஜ் ரொம்ப ஜாஸ்தியா இருக்கும். ஒரு தெரு முழுசா சொந்தக்காரங்க இருந்தா எப்படி இருக்கும்? அப்படி இருந்தது சிங்கங்கள்  உறவு. 

இதுல அனு*2, காயத்திரி*2, இம்சை அரசி அப்படின்னு லேடிஸ் விங் வர பபாசங்கம் வந்திச்சு.http://papaasangam.blogspot.com/. இந்தப் பாசமலர் குரூப் நல்லா இருந்துச்சு. சில உணர்வுகளை மட்டும்தாங்க சொல்ல முடியும். வயசான பின்னாடி நீங்க படிச்ச பள்ளிக்கூடத்துக்கு போனா என்ன உணர்வு வருமோ அதான். இதுக்கும் நாங்க எல்லாரும் ஒன்னா சந்திச்சதே இல்லே. ஆனா ரத்தப் பந்தங்கள். இது எல்லாம் வெளியுலகத்துக்கு தெரியாது. வவாசவுல எங்களுக்குள்ள கலாய்ச்சிக்கிறதும், அடுத்தவங்களை வாருவதும்தான் தெரியும்.

கவிதா: ரொம்ப நல்லா போயிக்கிட்டு இருந்த வவாச.. வில் ஏன் இப்படி ஒரு தொய்வு? வவாச என்ற ஒரு சங்கம் இருப்பதே இப்போதுஇருக்கும் புது ப்ளாகர்கள் யாருக்கும் தெரியாமல் போகும் அளவு சங்கத்தை கண்டுக்கொள்ளாமல் இருக்க காரணம் என்ன?
சிங்கங்கள் :- இது எல்லாப் பதிவர்களுக்கு வருவதுதான். அதுவும் நகைச்சுவை ரொம்ப கஷ்டம். எங்களுக்குள் பதிவுமேலேயே ஒருசலிப்பு வந்த போது வவாச மட்டும்  எங்கே இருந்து வரும். அது என்ன கஷ்ட காலமோ. அந்த தொய்வு நேரத்துல தான்  எல்லாருக்கும் வேலை மாற்றல், கல்யாணம். அப்படின்னு தனிப்பட்ட  பிரச்சினைகளும் சங்கத்தை மீட்க முடியாம போயிருச்சு. அதே சமயம் அட்லாஸ்  வச்சு சமாளிக்கலாம்னா நகைச்சுவையா எழுத ஆளே இல்லாத காலகட்டம் வேற.  அப்படியே விட்டாச்சு. எவ்ளோ நாளைக்குத்தான் நடிக்கிறது?

நடிப்பை தொடர முடியாத இந்த நிலையில்................

சிங்கங்களின் உருமல் தொடருகிறது அடுத்த பதிவில்.................

அணிலு : அப்படியே இங்க http://annakannan-photos.blogspot.com/2007/08/blog-post_10.html போயிட்டு, சிங்கங்கள் சீன் போட்டதையும் பார்த்துட்டு வாங்க..  என்னா சீன்.. ஒரு சிங்கம் தொப்பை காட்டுது, ஒன்னு முதுகு காட்டுது, பிரபுதேவாவின் சகல அவருக்கு மட்டும் தான் சிரிக்க தெரியும் சிரிச்சிக்காட்டறாரு, இன்னொரு சிங்கம் எங்க அதை போட்டோ எடுக்காம வுட்டுருவாங்களோன்னு கேமராக்குள்ள வந்து தலைய காட்டுது... ஸ்ஸ்ஸ்... சீன் போடறதுன்னா இது தான்... இதை மையமா வச்சி சிங்கங்களை நானும் கேள்வி கேட்டு இருக்கேன்....மறக்காம அடுத்த பார்ட் க்கு வந்துடுங்க.. ஒக்கே... !! 
.

விளம்பரம் என்ற ஒன்று இல்லையேல், பல விஷயங்களை மிக எளிதாக, விரைவாக நம் வரவேற்பு அறையிலே அறிந்துக்கொள்ள முடியாமல் போயிருக்கும். தொலைக்காட்சி என்று இல்லை, செய்தித்தாள், அவற்றின் உள்ளே வைக்கப்படும் குட்டி பிரசுரங்கள், சென்ற மாதத்தில் டைம் ஆஃப் இந்தியா பேப்பரில், ஒரு கம்பெனி ஆடியோவின் மூலம் விளம்பரம் செய்திருந்தது. பேப்பரை திறந்தால் விளம்பரம் பேசும் :). ரவுண்டுக்குட்டி வந்து திட்டும் வரை அதை வைத்து விளையாடிக்கொண்டு இருந்தேன். விளம்பரங்கள் நமக்கு பொருட்கள் சம்பந்தமான தகவலை கொடுக்கிறது என்பது உண்மை. பொருட்களை தயாரிக்கும் நிறுவனம், தன் விற்பனையின் அளவை அதிகரிக்க பயன்படுத்தும் பல வழிகளில் விளம்பரமும் ஒன்று. அது எப்படி வாடிக்கையாளர்களை கவர்கிறது என்பதை பொறுத்தே ஓவ்வொரு விளம்பரத்தின் வெற்றியும் அமையும்.

இப்போது, விளம்பரத்திற்கென தனிப்பட்ட டிகிரி மற்றும் டிப்ளமோ படிப்புகள் எல்லா பல்கலைகழகத்திலும் இருக்கின்றன. விளம்பரத்தில் நடிக்கவே "மாடல்" கள் இருக்கின்றனர்.  முன்பெல்லாம்,விளம்பர மாடல்களை வைத்து தான் விளம்பரங்கள் வந்தன. அவர்கள் அதற்காகவே படித்து, அது சம்பந்தமாகவே வேலையும் செய்து வருபவர்கள். ஆனால் ஒரு காலக்கட்டத்திற்கு மேல், நடிகர்கள் விளம்பரங்களை ஆக்கரமிக்க ஆரம்பித்து விட்டனர். இதற்கு ஒரே காரணம் அவர்களுக்கு கொடுக்கப்படும் சம்பளம் தவிர்த்து வேறொன்றுமில்லை.

இந்தியாவை பொருத்தவரை நடிகர் என்பவரை கடவுளை போன்று துதிக்கும் மக்களே அதிகம். அவர்களை போன்று உடைகளை உடுத்துவது, தலை அலங்காரம் செய்துக்கொள்வது, அவர்கள் என்ன சொன்னாலும் அதை கண்மூடித்தனமான பின் தொடர்வது என்பது எந்த காலக்கட்டதிலும் மாறாமல் நடந்து வருகிறது. அப்படிப்பட்ட மக்களின் மூளையை மயக்க, அவர்கள் கடவுளாக நினைக்கும் நடிகர்களை கொண்டு வியாபாரத்தை செய்கிறார்கள் பொருளை தயாரிப்பவர்கள்.  இதில் நமக்கு என்ன பிரச்சனை என்பது தான் கேள்வி.

பணத்திற்காக, பொருள், அதன் தரம், அது பயன்படுத்த தகுந்ததா? இல்லையா? போன்ற எதையும் பொருட்படுத்தாமல், கண் இருந்தும் குருடர்களாக நடிகர்கள் பல விளம்பரங்களில் வருகிறார்கள். குறிப்பிட்டு சொல்ல வேண்டுமானால், உடல் நலத்திற்கு கேடான கோக்,பெப்ஸி வகையறாக்கள்.  உடல் நலத்திற்கு தீங்கு என்று பலதடவை நிரூபிக்கப்பட்ட ஒரு குளிர்பானம். ஆனால் அதற்கு நம் நடிகர்/நடிகைகள் கொடுக்கும் விளம்பரம் இருக்கிறதே.. அதை பார்க்கும் நம்ம ஆள், ஆஹா..நம் தலைவர் சொல்லிட்டார், தலைவி சொல்லிட்டாங்க இனிமே இது தான் என் கையில் இருக்க வேண்டும் என்று இறங்கிவிடுகிறார்கள்.

டாக்டர் விஜய், சூர்யா, மாதவன், அஸின், திரிஷா ன்னு கோக் மற்றும் பெப்சி விளம்பரங்களில் இன்னமும் பலர் தொடர்ந்து நடித்துக்கொண்டு தான் வருகிறார்கள். இவர்கள் இந்த குளிர் பானங்களை குடித்து, அதன் விளைவுகளை அல்லது பலன் அறிந்து தான் செய்கிறார்களா?. பணம் முக்கியம் தான், அதற்காக வெளிச்சத்தில் இருப்பவர்கள், அவர்களை பார்த்து அவர்களின் விசிறிகளும் தொடருவார்கள் என்று தெரிந்தும், இந்த மாதிரி விஷயங்களுக்கு துணை போகலாமா என்பதை உணர்வார்களா என்பது தெரியவில்லை. இதில் திரிஷா, அர்விந்த்சாமி போன்றோர் முதலில் மாடல் ஆக இருந்து பின்னே நடிக்க வந்தவர்கள் என்பது அனைவரும் அறிந்ததே.

அனைவரையும் முட்டாள்கள் ஆக்கும் அழகை அதிகப்படுத்தும் சாதனங்கள். அந்த விளம்பரங்களில் நடிகைகள் தான் அதிகம், குறிப்பிட்ட நடிகை அந்த அழுகு சாதனத்தை பயன்படுத்துவதால் தான் அழகாக இருக்கிறார் என்பதை பார்வையாளர்களை நம்ப வைக்கவே இப்படி ப்பட்ட விளம்பரங்கள் வருகின்றன.  ஆனால் உண்மை என்னவோ அதுக்கு நேர்மாறானது, சில நடிகைகளை நேரில் பார்க்க அடையாளம் தெரியாத அளவு மிக சுமாரான அழகை உடையவர்களாகவே இருப்பர், பல லட்சங்கள் செலவு செய்து நடிகைகளில் அழகு கூட்டப்படுகிறது என்பதை சாமானியர்கள் நம்புவார்களா? இல்லை தெரியத்தான் செய்யுமா?  இதில் மயங்கி,  பெண்கள் அழகு சாதனங்களை விதவிதமாக வாங்கி காசைத்தான் கரியாக்குகிறார்கள்.

சிநேகா ஒரு ஊறுகாய் விளம்பரத்துக்கு வந்து, குழந்தைகளுக்கு சப்பாத்தியில் ஊறுகாய் தடவி சாப்பிட அறிவுரை செய்வார். கடவுளே.. ஊறுகாய் என்பது உப்பு அதிகம் சேர்த்த ஒரு உணவு ப்பொருள்,  அதை துளி வைத்து சாப்பிடுவார்கள்,  அதை சப்பாத்திக்கு தொட்டுக்கொள்ள சொல்லும் விளம்பரம், அதுவும் குழந்தைகளுக்கு.... ?!

விஜய் ஜோஸ் ஆலுக்காஸ் - ஒரு கருப்பு பூனை படைச்சூழ??? அவர் போக, கொசுவத்தியில், பள்ளியின் தலைவர், ப்யூனை காலால் எட்டு உதைப்பது போன்ற காட்சி.. :(, குழந்தைகள் எதிரில் ஒரு மனிதனை பள்ளியின் முதல்வர் இப்படி நடத்துவாரா? குழந்தைகள் அதை தானும் செய்யலாம் என்றல்லவா பழகிவிடும்.?!

குர்குரே.. இதில் ப்ளாஸ்டிக் கன்டன்ட் இருக்கிறது, எரிய வைத்தால் எரிகிறது என்ற குற்றச்சாட்டு வந்து, அதை யாரும் சாப்பிட வேண்டாம் என்று சொல்லப்பட்டது. சிம்ரன் அதில் நடித்தார், ஜூஹி தொடர்ந்து அதில் தான் நடித்து வருகிறார். கோனாலாக இருந்தாலும் அது என்னோடதுன்னு.. :( ... "ஆமா கேடானாலும் அதை சாப்பிட்டே ஆகனும்னு" சொல்வது போன்று இருக்கும்.

நகை அடகு வைக்கும் விளம்பரத்தில் விக்ரம். :( இதில் என்ன தவறு இருக்கிறது எனலாம், குடும்பங்களில் நகையை வைத்து பணம் வாங்கும் பழக்கத்தை பலர் தவறாக பயன்படுத்துகின்றனர். அதிக பணம், குறைந்த வட்டி, உடனுக்கு உடன் சேவை போன்றவை வாடிக்கையாளரை இழுக்கும் யுத்தியே. அதுவும் கேட்டவுடன் பணம் என்பது பலரின் கவனத்தை கவரும்.

ஹேமமாலினி, ஸ்ரீதேவி நடித்த லக்ஸ் விளம்பரம் அந்த காலத்தில் மிகவும் பிரசத்திப்பெற்றது.. ரேவதி யும் அதில் நடித்தார். பின்பு விளம்பரங்களில் நடிப்பதில்லை என முடிவு செய்து அறிவித்தார். அதன் பின் அவரின் விளம்பரங்கள் வந்ததே இல்லை. இப்போது ஊறுகாய் விளம்பரத்தில் பார்க்க முடிகிறது. பணம் தான் காரணமோ என்ற எண்ணம் வராமல் இல்லை. அஜித் தும் விளம்பரங்களில் நடிப்பதில்லை என்று அறிவித்த ஒரு நடிகர்.

விவேக், ஷ்ரேயா, சிம்ரன், குஷ்பூ, பிரபு, சீதா, மம்மூட்டி, மோகன்லால், பிரியாமணி, ஸ்நேகா, ஸ்ரீதேவி  இன்னும் அநேக நட்சத்திரங்கள் வரும் நகைக்கடை விளம்பரங்கள்.

துணிக்கடை விளம்பரங்கள் கேட்கவே வேண்டாம், சிநேகா, அனுஷ்கா, திரிஷா,ஷ்ரேயா, பத்மபிரியா, பிரியாமணி, ஜோதிகா, மீரா ஜாஸ்மின்,ஹேமமாலினி..இன்னும் நிறைய.. எழுதும் போது நினைவில் வந்தவர்கள் இவர்களே. 

சூர்யாவின் சமீபத்திய சரவணா ஸ்டோர்ஸ் விளம்பரம் படு அபத்தம். சரவணா ஸ்டோர்ஸ் ஸின் தரம், விலை, விலையில் நடக்கும் தவறுகள் போன்றவை அவருக்கு தெரிந்திருக்குமா? பாட்டா கடையில் வாங்கும் பாட்டா செருப்பு, சரவணாவில் விலைக்குறைவு. எப்படி சாத்தியம்? எப்படி ஒரே பிராண்ட் பொருள் அதன் சொந்த இடத்தில் அதிகமாகவும், சரவணாவில் குறைவாகவும் இருக்கிறது என்று விசாரித்ததில், தரம் குறைத்து சரவணா கடைக்காக தனியாக உற்பத்தி செய்யப்படுகிறது என்று சொல்லப்பட்டது.  இதற்கு எல்லாம் அத்தாட்சி இல்லை, வாய்வழி சொல்லி கேட்பதும், தரத்தை பயன்படுத்துவதின் மூலம் உணர்ந்துக்கொள்ளவும் தான் முடியும். எந்தெந்த பொருளின் தரம் அங்கு உண்மையானதாக இருக்கிறது என்பதை தெரிந்து தான் சூர்யா  நடித்துக் கொடுத்திருக்கிறாரா.. ஒரு முறையாவது சரவணாவின் பொருட்களை வாங்கி இருப்பாரா..? என்பது அவருக்கு தான் தெரியும்.


மாடல்கள் நடிக்கும் விளம்பரங்களை விடவும்,  நடிகை & நடிகர்கள் நடிக்கும் போது தான் நம் கவனம் அதிகம் ஈர்க்கப்படுகிறது. நம்முடைய நாடி தெரிந்த விளம்பர கம்பெனிகள், அதை பயன்படுத்திக் கொள்கிறார்கள். இவர்களும் பணத்திற்காகவும், புகழுக்காகவும் அவற்றை ஏற்றுக்கொள்கிறார்கள். நடிகர்கள் இல்லாமல் பல விளம்பரங்கள் நம்மை கவர்கின்றன. அந்த விளம்பரத்தில் வரும் பொருளை ஒரு முறையாவது வாங்கிப்பார்க்க வேண்டும் என்ற ஆர்வமும் வருகிறது. காரணம் விளம்பரம் எடுக்கப்பட்ட விதம். சொல்லப்பட்ட செய்தி போன்றவை நம்மை வெகுவாக கவர்ந்து விடுகின்றன. தரம் என்பதை வாங்கிப்பார்த்த பிறகு தான் தெரிந்து க்கொள்கிறோம் என்றாலும், பொருளை வாங்க உந்துவது இந்த விளம்பரங்களே. 

ஒரு காலத்தில் சினிமா தியேட்டர்களில் "லிரில்" சோப்பின் விளம்பரம் வரும். அதில் நடிகர்கள் யாரும் இல்லை. ஒரு பெண் எலுமிச்சை & பச்சை நிற நீச்சல் உடையில் வருவார்.  பாட்டு, இசை, படம் எடுத்த விதம் மக்களை வெகுவாக கவர்ந்தது. அந்த விளம்பர பெண் இறந்துவிட்டதாக செய்தி வந்தது, . அந்த காலக்கட்டத்தில் பச்சை, மஞ்சள் கோடுப்போட்ட லிரில் சோப்பை என் சொந்தங்கள் வீட்டில் பார்த்து இருக்கிறேன். அந்த விளம்பரத்தை பற்றிய மயக்கம் பலருக்கு (ஆண் பெண் வித்தியாசமின்றி) இருந்ததை விஷேஷ நாட்களில் எல்லோரும் கூடி பேசும் போது கவனித்து இருக்கிறேன்.
 
சின்ன வயதில் பார்த்தது. ரஜினிஜி, போலியோவால் பாதிக்கப்பட்ட குழந்தைகளுக்கு சொட்டு மருந்து கொடுக்கும் விளம்பரத்தில் வருவார். இன்னும் நினைவில் இருக்கும் விளம்பரம் அது. சமுதாயம் சார்ந்த, நல்ல நோக்கத்தில் எடுக்கப்பட்டது,  எல்லோரையும் சென்றடைந்த விளம்பரம்.

கமல்ஜி நடித்து, சமீபத்தில் வந்த எய்ட்ஸ் சம்பந்தப்பட்ட விளம்பரம்.

ஏன் மற்ற நடிகர்களும் பணத்திற்காக மட்டும் தங்களை விற்றுவிடாமல், எதில் நடிக்கிறோம், இவை மக்களுக்கு பயன்படும்மா, அவை தன் மூலம் மக்களை போய் சேரலாமா போன்றவற்றை யோசிக்க கூடாது.. 

இவற்றை எல்லாம் தாண்டி, நடிகர்களை மட்டுமே குறை சொல்லாமல், அவர்கள் சொல்லிவிட்டார்கள் என்ற ஒரே காரணத்திற்காக பொருட்களை வாங்காமல், எது சிறந்தது, தரம் வாய்ந்தது என்பதை ஆராய்ந்து, தேர்ந்தெடுத்து வாங்கி பயன்படுத்துவது நம் கையில் தான் இருக்கிறது.

நடிகர்கள் அல்லாது என்னை கவர்ந்த விளம்பரங்கள்.
=> லியோ காஃபி -  http://www.youtube.com/watch?v=V9qmJ79YuCs
=> அணில் வரும் - கிட்கேட் -http://www.youtube.com/watch?v=puineN1UMto&feature=related
=>சர்ஃப் எக்செல் - டீச்சர் வீட்டு நாய் இறந்து போக, மாணவன் நாயை போல நடிப்பது  - http://www.youtube.com/watch?v=dVBP86788Q0&p=658E60CDC3B9D48C&playnext=1&index=5
=> ப்ரூ காஃபி இரண்டாவது டிக்காஷன் - உங்களுக்கு எப்பவாவது தெரிஞ்சுதா? இது என்னை ரொம்பவே கேட்ச் செய்த விளம்பரம், அந்த பெண்ணின் மிகையில்லாத நடிப்பும்.  http://www.youtube.com/watch?v=u4VOWAZw27M&feature=related
=> ஹட்ச் - நாய் குட்டிய மறக்கவே முடியாது

நடிகர்கள் வந்து பிடிக்காத விளம்பரங்கள்

சூர்யா - இவர் வரும் எந்த விளம்பரமும் பிடிக்கவில்லை :( 
விஜய் - ஜோஸ் ஆலுக்காஸ்.

நடிகர்கள் வந்து பிடித்த விளம்பரங்கள்

ஜோதிகா - நல்லண்ணெய் விளம்பரம்
மீரா ஜாஸ்மின் - சக்ரா கோல்ட் டீ விளம்பரம்

அணில் குட்டி அனிதா : சரிங்க ஆபிசர், நடிகர் சங்கத்துக்கு இந்த போஸ்ட்'ஐ ஃபார்வேர்ட் செய்யலாம் ஆபிசர்,  நீங்க சொன்ன பிறகும் உங்க பேச்சை கேட்காமல், மீறி நடிச்சால், எப்பவும் போல சேனலை மாத்திடுங்க ஆபிசர்...

பீட்டர் தாத்ஸ் :- The more facts you tell, the more you sell. An advertisement's chance for success invariably increases as the number of pertinent merchandise facts included in the advertisement increases.

வாங்கோ... வாங்கோ..முதல் பதிவு அதுவுமா..கவி பொங்கல் வச்சி போடப்போறாங்கன்னு யாராச்சும் ஓடியாந்து இருந்தா.. ஹி ஹி ஹி.. உங்களுக்கு எல்லாம் அல்வா தான்......

தமிழ்மணத்துல ஸ்டார் ஆன குஷியில.. அம்மணி சில உண்மைகளை மறைச்சி, ஓவரா சீன் போட்டு அவங்கள பெரிய ஆளா காட்டிக்க ஆசைப்பட்டாங்க..அது தெரிஞ்சும் நானு விடலாமா? ம்ம்ம் அதே...! விடப்பிடாது..ன்னு அவங்க வாயை பெரிய துணியால அடச்சி, கைய, கால கட்டிப்போட்டுட்டு... அந்த உண்மைய உங்கக்கிட்ட சொல்லிட்டு, முதல் பதிவையும் நானே எழுதிடலாம்னு அவசர அவசரமா ஓடியாந்தேன்......

ஆமா மக்கா.. ஆமா.. !!. இந்த ஸ்டார் பதிவ ஆரம்பிச்சி வைக்கப்போறது... "உங்களின் அன்பிற்கும் பாசத்திற்கும் நேசத்திற்கும் உரிய பாரதிராஜா.." ச்சே.ச்சே.....ஒரு ஃப்ளோல வந்துடுத்து..,,அப்படியே குடு குடுன்னு பின்னாடி ஓடி போயி.. பாரதிராஜா வை அழிச்சிட்டு... "அணில் குட்டி அனிதா.. " ன்னு மாத்திக்கோங்க...ரெடி ஆல் ?!! நவ் ஸ்டார் தி மீயூஜிக்......

இப்ப நாம.. மேல தலைப்பிலிருந்து ஆரம்பிக்கலாம்... ஏன் பொங்கலு...? .இது கூட நான் சொல்லனுமா.. இம்புட்டு வருஷமா பார்வைகள் பதிவை படிக்கறீங்க, அம்மணிய பத்தி உங்களுக்கு தெரியாத மேட்டரா..???. ஆன்ன்னா.. ஊன்னா. கொஞ்சம் கூட கூச்சப்படாம ஓவரா சவுண்டு விட்டு, பொங்கி பொங்கலாகி சீன் போடறதை தன் முழு நேர தொழிலா வச்சி இந்த ப்ளாக்'ஐ நடத்தறதால, இந்த தலைப்பு அவங்களுக்கு ரெம்ப ரெம்ப சூட் ஆகும்னு வச்சேன்... கூடவே...கட்டை எதுக்குன்னா..அவங்க முதல் முதல்ல பொங்கனப்பவே .. யாராச்சும் ஒருத்தர், கட்டையால அவங்க தல மேல ஒன்னு போட்டு.. ஓடிப் போன்னு சொல்லி இருந்தீங்கன்னா.. இந்த நிலைம எனக்கும் உங்களுக்கும் வந்து இருக்குமா??? ம்ம்ம் விதி யார விட்டுச்சி...

இத நினைச்சி நினைச்சி..... இன்னொரு தரம் ..இத நினைச்சி நினைச்சி.. அப்பாளிக்கா  நாம எல்லாருமா சேர்ந்து ஒக்காந்து கோரஸ்ஸா ஒப்பாரி வைக்கலாம்.. .ok.. டீல்....! ஆனாலும் நீங்க எல்லாம் ரெம்ப பாவம் இல்லையா... ஒப்பாரி முடிஞ்சவுடனே.. போனா போகுதுன்னு.. சுந்தர்ஜி வூட்டுக்காரம்மா ஆடின "பொங்கலு" பாட்டை இலவசமா போட்டு காட்டறேன், பாத்துட்டு போங்க... சரியா...

இப்ப மேட்டருக்கு வரலாம்.. . 2006 ல ஒரு வெட்டி ஆபிசர் ப்ளாக் எழுதறதை பாத்து, அம்மணி பொறாமையில் எப்பவும் போல பொங்கி, உடனே அவசர அவசரமா எழுத ஆரம்பிச்சாங்க.... அப்பத்தான் கதையில் ஒரு டுவிஸ்டு.. அந்த டுவிஸ்டுக்கு பேரு பாலபாரதி.. இவரும் அப்ப செம வெட்டி, யார் ப்ளாக் எழுத வந்தாலும் ஓடியாந்து உதவி பண்றது தான் அண்ணனுக்கு முழு நேர வேல, அம்மணிய தமிழ்மணத்தில் சேர்த்துவிட்டதும் அண்ணன் பாலபாரதியின் கைங்கரியம் தான். (நல்லா கவனிங்க....யாராவது அம்மணி மேல கான்டா இருந்தா டார்கட் செய்ய வேண்டிய முதல் ஆள் அவரு தான்.. ), சரி சேர்த்துவிட்டதோட அவரு வேல முடிஞ்சி போச்சி..ஆனா அம்மணி விட்டாங்களா? விடலையே.....

என்னமோ தன்னை ஒரு எழுத்தாளர் திலகம் னு அவங்களே நினைச்சிக்கிட்டு எழுத ஆரம்பிச்சாங்க.. நடுவுல நிறைய பேர் தமிழ்மண ஸ்டார் ஆனாங்க. அப்ப எல்லாம் சும்மா இருந்த இவங்க... சூடான்ல இருக்க நம்ம புலி, ஸ்டார் ஆனதும்...பொறுக்கல.... அம்மணிக்கு வயிறு பகபகன்னு எரிய ஆரம்பிச்சது. ... "எப்படி நீங்க ஸ்டார் ஆனிங்க.."ன்னு நைய நைய ன்னு அவரை புடுங்க ஆரம்பிச்சாங்க.. .அவரு எவ்ளோ சொல்லி பாத்தாரு..முடியல...ஒரு ஸ்டேஜ்ல "என்னங்க உங்களுக்கு பிரச்சனை...??. நான் வேணும்னா யார் கிட்டவாவது சொல்லி உங்களை ஸ்டார் ஆக்கறேன், என்னை வுட்ருங்கோன்னு" ஓட ஆரம்பிச்சவரு தான் .... இன்னும் நிக்கல....

இந்த தமிழ்மணக்காரங்களுக்கு உடம்பு கிடம்பு சரியில்லையோ என்னவோ.. தெரியல... வேற யாரோன்னு நினைச்சி இவிங்கள கூப்பிட்டுட்டாங்க போல இருக்கு. மெயில பாத்தவுடனே அம்மணி எப்பவும் போல ஓவரா குதிச்சாங்க..!! ஆனா பாருங்க.. சூடான் புலியோட ஞாபகம் வந்துடுத்து.. ஆஹா.. அந்த மனுஷனை உண்டு இல்லைன்னு ஆக்கினோமே, எங்க நாம ஸ்டார் ஆனா..அவரு இதே கேள்விய திருப்பி கேக்கபோறார்ன்னு... பயந்து போயி, நேரா தமிழ்மணத்துக்கு பெரிய _________ ஆட்டுமா மெயில் அனுப்பினாங்க... "என்னை நீங்கள் ஸ்டார் ஆக தேர்ந்தெடுக்க காரணம் என்னவோ? " அப்படின்னு.. .

அவங்க..உடனே... " ஹாங்....உன்னை எல்லாம் மதிச்சி கூப்பிட்டதே பெரிய விஷயம் ரீசன் வேணுமா ரீசன்.. ..நிக்காத, ஓடிப்போயிடு'ன்னு " ரிப்ளை போட்டுட்டாங்க..

இதை எதிர்பாக்காத அம்மணி...'ஷாக்' ஆகிட்டாங்க.. கையும் ஓடல காலும் ஓடல.. .ஒரு வேள கேள்வி கேட்டு இருக்கப்பிடாதோன்னு ரொம்ப லேட்டா...ஃபீல் பண்ண ஆரம்பிச்சி...யாருக்கும் தெரியாம ஓடி போய் டமால் ன்னு அவங்க கால்'ல விழுந்து.. 'டாடீஈஈ......, மம்மீஈஈஈ........ தெரியாம கேள்வி கேட்டுட்டேன்... தயவுசெய்து மன்னிச்சி , என்னை எழுத வுடுங்க.. இனிமே இப்படி எல்லாம் நடு நடுவுல கேள்வி கேக்கவே மாட்டேன் ன்னு ஒரே அழுவாச்சி.... "

அப்புறம் அவங்களும் பாவம் பாத்து, அந்த கரடி ஞாபகம் இருக்கா..ம்ம்ம்.. ம்ம்ம் அதே தான்!! அது எப்படி புலிக்கேசி மூஞ்சி மேலேயே துப்பிச்சோ..அது மாதிரி துப்பிட்டு... "எழுதித்தொல" ன்னு அம்மணி கையில இந்த ஒரு வாரத்தை கொடுத்து இருக்காங்க... ..இதான் நடந்த மேட்டரு..........

"ஹய்யோ.....யம்மா.... யப்பா....... திமிரிக்கிட்டு அம்மணி என்னை பாத்து பாய வராங்க... மக்காஆஆ....இதுக்கு மேல..இங்க நின்னா.. அவங்க பொங்கறதுல வெந்துபோற முதல் ஆள் நானாத்தான் இருப்பேன்.. சோஒ........ மேல இருக்கற விஷயத்தை மனசுல வச்சி. மறக்காம. இனிமே நீங்க தான் அம்மணிய நல்லா வாழ்த்திட்டு போவனும் சரியா...!!! . .. நானு வரேன்... சீயூ... சீயூ சீயூ.....பாட்டு பாக்க மறந்துடாதீங்க.... அம்மணி வாயில இருக்கிற துணிய யாராச்சும் எடுத்துவுடுங்க..செத்து கித்து...தொலைக்க போறாங்க.....



பீட்டர் தாத்ஸ் : “To be a star, you must shine your own light, follow your own path, and don't worry about the darkness, for that is when the stars shine brightest”

அணிலு : பீட்டரு .. ஏன் இப்புடி??..முடியல ராசா முடியல... அவ்வ்வ்வ்..!! 
.

ரொம்ப ஃபீல் பண்ணாத மச்சி. .எல்லாம் சரி ஆகிடும்.. :)



நீ கலக்கு மச்சி.. இன்னொரு சான்ஸ் கிடைக்காது... :)



டான்ஸ் மச்சி டான்ஸ்... தேகோ தேகோ.....



உனக்கு ஏன் மச்சி இந்த வேல...பேசாம அமைதியா உக்காச்சி வேடிக்கை பாக்கலாமே..




அணில் குட்டி அனிதா : அம்மணி காலையிலிருந்து ..தாம் ததிக்... தக்க தீம் ததிக்.. தக்க ஜம் ததிக்.... தக்க தீம் த தீம் தா...ன்னு தவில், மிருந்தங்கம், நாதஸ்வரத்தோட முதல் பாட்டை போட்டுட்டு "நலந்தானா.. ஹேஹே....நலந்தானா" ன்னு ஒரே ஆட்டம் ........ ஸ்ஸ்ஸ்யப்பா முடியல... கீழ் வீட்டுக்காரங்க எப்ப வருவாங்கன்னு வெயிட் பண்ணிக்கிட்டு இருக்கேன்... அவங்க வந்து அம்மணியோட கால ஒடச்சாத்தான் உண்டு...... ஹய்..ஜாலி.. :))))

மக்கா வெயிட்டீஸ்......முதல் பாட்டை முழுசா பாத்துட்டு போங்க... உசுரே போகும் உங்களுக்கு... :))) நாட்டிய பேரொளி......இடுப்பை என்னம்மா வளைக்கறாங்க.....சான்ஸே இல்ல.. இன்னொருத்தர் பிறந்து தான் வரனும்.. !!

பீட்டரு இந்த மொக்கை பதிவை பாத்துக்கூட டென்ஷன் ஆகிற சிலபேரை ரிலாக்ஸ் பண்ணு பாக்கலாம்....

பீட்டர் தாத்ஸ் :“Try to relax and enjoy the crisis.”

பெண்ணியம், ஆணாதிக்கம் என்ற இந்த இரண்டையும் யாராவது மிக சரியாக விளக்க முடியுமா?

பெண் - என்பவள் இப்படித்தான் இருக்கவேண்டும் என்ற கட்டாயம் இல்லை என்பதை தான் பெண்ணியம் என்கிறார்களோ பெண்ணியம் பேசுபவர்கள். அதில் சில உதாரணங்கள்

1. பெண் தான் சமைக்க வேண்டுமா?
2. பெண் தான் உணவு பரிமாற வேண்டுமா?
4. பெண் தான் வீட்டு வேலைகள் எல்லாம் செய்ய வேண்டுமா?
5. பெண் என்ன குழந்தைகள் மட்டும் பெற்று தரும் இயந்திரமா?
6. பெண் தான் குழந்தைகளை பார்த்துக்கொள்ள வேண்டுமா?
7. பெண் திருமணம் ஆனால் ஆண் சொல்கிற படி தான் கேட்க வேண்டுமா?
8. ஆணுக்கு நிகராக/அதிகமாகவே நாங்களும் சம்பாதிக்கவில்லையா? ஏன் இந்த பாகுபாடு?
9. உடைகள் இப்படித்தான் இருக்க வேண்டுமா?
10. உணவு முறைகள், உடலழகு இப்படித்தான் இருக்கவேண்டும் என்ற சொல்ல நாங்கள் என்ன அடிமை பதுமைகளா?

இப்படி நீண்டு கொண்டே போகும் பட்டியலில் அடுத்து...தொடர்வது..

அய்யோஓஓஓ........
ஆம்பளை உட்காந்துட்டான்
ஆம்பளை எழுந்துக்கறான்
ஆம்பளை தூங்கறான்
ஆம்பளை படுத்துக்கறான்
ஆம்பளை சாப்பிட்டு தொலைக்கிறான், குடிக்கிறான், தம்மடிக்கிறான்
ஆம்பளைக்கு கற்புன்னா என்னான்னே தெரியல
ஆம்பளை மேல சட்டையில்லாமல் சுத்தறான்
ஆம்பளை டவுசர் இல்லாம கூட வெளியில போறான்..

சரி.. சரி.. ஏன் இப்படி மூச்சுவிடாமல் குறைச்சொல்லிக்கிட்டு?! மேற்கண்டவற்றை பெண்ணும் செய்துவிட்டால், பிரச்சனை முடிவு பெறுமே. இதுல காமெடி என்னவென்றால், ஆம்பளையிடம் இத்தனை குறையை மட்டும் காணுபவர்கள், அவன் இதை எல்லாம் செய்யாமல் இருக்க என்ன செய்ய வேண்டும் என்று யோசித்தால், நல்ல பலன் கிடைக்கும் என்பதை மறந்து போகிறார்கள். அதில் முழுமையாக அவர்கள் மறந்து போவது

"பெண்ணியம் என்பது ஆண்களை எதிர்ப்பது அல்ல".

பெண் தனக்கானவற்றை தன் காலில் நின்று செய்துக்கொள்வதும், தன்னால் தனியாக எதையும் சாதிக்க முடியும், தன் சுதந்திரம் என்பது ஒரு ஆணால் தரப்படவதோ, பெறப்படுவதோ இல்லை, தான் எப்படி இருக்க வேண்டும் என்பதும் ஒரு ஆண் நிர்ணயிப்பது இல்லை, ஆணுடன் தன்னை சமமாக நினைத்துக்கொள்வதும் இல்லை என்பதுவுமே.


மாமியார், மருமகள், நாத்தனார் பிரச்சனைகள் - இதில் ஆண்கள் எங்கிருந்து வருகிறார்கள்.? ஒரு பெண் தான் இன்னொரு பெண்ணுக்கு எதிரி. மாமியார் பிரச்சனையிலும் கூட பல ஆண்களை பார்த்திருக்கிறேன், மனைவியின் பக்கமும் பேச முடியாமல், அம்மாவின் பக்கமும் பேசமுடியாமல் நடுவில் தலையில் துண்டு போட்டு அமர்ந்து இருப்பார்கள்.,

அடுத்து எத்தனை வீட்டில் பெண்கள் கணவரின் தாயாரையும், தமக்கையையும் தன் வீட்டு பெண்களை போல் பார்க்கிறார்கள்? நடத்துக்கிறார்கள்? இவை எல்லாம் தொங்கும் விடை தெரியா கேள்விகள்.

பெண்ணிற்கு தேவையானவற்றை அறிந்து செய்பவன், அல்லது செய்ய விடுபவன் ஆணாக இருக்கிறான். இவற்றில் எது நடக்காவிட்டாலும் பெண் அடிமைத்தனம் என்று நாம் பேச ஆரம்பித்துவிடுவோமோ?

பெண் என்பவள் எப்படி ஆணால் ஆதிக்கம் செய்ய படுகிறாளோ அதே போன்று, ஆணும் பெண்ணால் ஆதிக்கம் செய்ய படுகிறான் என்பதில் எந்த வித மாற்று கருத்தும் இல்லை. இதை திருமணம் முடித்த அத்தனை ஆண்களும் (அந்த அனுபவம் இல்லாத மிக சிலரை தவிர்த்து) ஒற்றுக்கொள்வார்கள். ஆண் என்பவன் தனக்கு பெண்ணால் ஏற்படும் பிரச்சனைகளை வெளியில் சொல்லுவதில்லை, வெளியில் சொல்லாமல் இருக்க அவன் தரப்பில் இருந்து பல காரணங்கள், அதில் முதலில் வருவது

1.சமூகத்தின் பார்வையில் கிண்டலுக்கும் கேலிக்கும் ஆளாவான்.
2.ஆண் பெண்ணிடம் அடங்கி போகிறான் / அவள் சொல்படி நடக்கிறான் என்பதை நம் சமூகம் மிக எளிதாக எடுத்துக்கொள்ளாது.
3. ஆண்கள் பொதுவாக சொந்த பிரச்சனைகளை வெளியில் கொட்டிவிடுவது இல்லை. குறிப்பாக மனைவியை பற்றி பேச விரும்புவதில்லை. முடிந்த அளவு தானே சமாளிக்கிறார்கள்.

பெண்ணை எந்த அளவிலும், அதாவது வலிமையுடனோ, வளைந்து கொடுத்தோ சமாளிக்கும் திறமை அவர்களுக்கு எந்த காலத்திலும் இருக்கிறது. எத்தனை வலியவனும், வீட்டில் உள்ள பெண்ணிடம் வளைந்து கொடுத்து போவதால் மட்டுமே வாழ்க்கை சக்கரம் ஒரளவு பிரச்சனை இன்றி நகர்கிறது. கொடுக்காத பட்சத்தில் தான் அது மணமுறிவில் வந்து முடிகிறது. இதில் பெண்ணிற்கு இடமே இல்லை எனலாம். ஏனென்றால் விவாகரத்து வருகின்ற பட்சத்தில் ஆண் என்பவன் வளைந்து கொடுக்கவில்லை என்றே வைத்துக்கொள்ளலாம். அதில் ஆண் நல்லவன் கெட்டவன் என்ற பேச்சுக்கே இடமில்லை. ஒரு பெண் நினைத்தால் நல்லவனை கெட்டவன் ஆக்கலாம், கெட்டவனை நல்லவனாக ஆக்க முடியும். அது தான் பெண்ணிற்குண்டான தனித்தன்மை, இதை இழந்தவர்கள் காலம் பூராவும் ஆணை நோக்கி கைக்காட்டி "காரணம் அவனே" என்று சொல்லிக்கொண்டே இருக்கலாம். அவர்கள் வாழ்நாள் முழுதும் கையை மடக்க வாய்ப்பே இல்லாமல் போகும்.

இவற்றை தாண்டி, ஒரு சில உண்மையான காரணங்கள் - குழந்தைகள் இல்லாமல் இருப்பது, தாம்பத்யத்தில் பிரச்சனை, வரதட்சணை. ஆனால் 100 க்கு 80 பேர் ஆண் /பெண் என்ற ஈகோ வில் பிரச்சனைகளை சந்திப்பவர்களாகத்தான் இருக்கிறார்கள்.

ஒவ்வொரு ஆணையும் தனியாக விசாரித்து பார்த்தால் தான், அவர்கள் எப்படிப்பட்ட கஷ்டங்களை, மனதளவில், ஏன் உடலளவிலும் பெருகிறார்கள் என்பதை புரிந்துக்கொள்ளமுடியும். எனக்கு தெரிந்து, இரண்டு பிரச்சனைகளையும் எனக்கு நெருங்கியவர்களிடம் நேரிடியாக பார்த்து இருக்கிறேன்.

விடிய விடிய கணவனை தூங்கவிடாமல், அல்லது தூங்குபவனை எழுப்பி சண்டைபோடும் பெண்களை நேரடியாக பார்த்து இருக்கிறேன். ஒரு நாளே இப்படி என்றால், ஆண்டு முழுதும் எப்படி இவளை இவன் சகித்துக்கொள்கிறான் என்ற கேள்விகள் எனக்கு எழாமல் இல்லை, அதுவும் வீட்டில் மூன்றாவது ஒரு ஆள் இருக்கும் போதே இப்படி. தனியாக இருந்தால் ?! அவனை கண்டு பரிதாபப்படாமல் இருக்க முடியவில்லை.

ஒரே மகனாக இருந்தாலும், மனைவியின் சொல்லிற்கு கட்டுபட்டு, பெற்றோரை கவனிக்க முடியாமல், அதை பெண்களை போன்று புலம்பித்தள்ள முடியாமல் தவிக்கும் ஆண்கள் பலர் இருக்கிறார்கள். ஏன் மனைவிக்கு தெரியாமல் பெற்றோருக்கு பணம், குணம் இரண்டையும் செலவு செய்யும் பரிதாப நிலையில் கூட இருக்கிறார்கள்.

பெண்ணின் பிரச்சனைகள் ஏதோ ஒரு விதத்தில் வெளியில் வந்துவிடும், ஆனால் ஆணின் பிரச்சனைகள் வெளியில் வருவதில்லை. அப்படியே வந்தாலும் அதை சமூகம் அக்கறையோடு பார்ப்பதில்லை. "என்னை போல் ஒருவன்" திரைப்படத்தில், மனைவி அடித்துவிட்டாள் என்று புகார் கொடுக்க வரும் ஒரு ஆணை, அந்த போலிஸ் அதிகாரியே கிண்டல் செய்து புகாரை ஏற்றுக்கொள்ளாமல் வெளியில் அனுப்புவது தான் இன்றைய யதார்த்தம்.

ஆக, பெண் ணின் பிரச்சனைகள் பார்க்கப்படும் அளவிற்கு ஆண்கள் பிரச்சனைகள் பார்க்கப்படுவதில்லை. இது இன்று நேற்று இல்லை நாளையும் அப்படியே. நம் குடும்ப அமைப்பு ஒன்று தான், நாம் நம் குழந்தைகளை நல்ல முறையில் வளர்க்க உதவுவதாக நம்புகிறேன். நாளை நல்லதொரு மனிதனை உருவாக்கும் பொறுப்பு ஒவ்வொரு பெண்ணிற்கும் உள்ளது. தந்தை சொல்வதை விடவும், ஒரு தாய் சொல்வதை தான் குழந்தை நம்புகிறது, செய்கிறது. அதனால் குழந்தை வளர்ப்பு முதற்கொண்டு எல்லாவிதத்திலும் பெண்ணிற்கான பொறுப்பு அதிகம். அவளே முதல். அவளே முடிவும்.

ஆணிற்கு பொறுப்பே இல்லை என்று சொல்லிவிட முடியாது. பெண்ணை காட்டிலும் ஆணிற்கு பொறுப்புகள் அதிகம். அதை அவன் வெளிக்காட்டி க்கொள்வதில்லை. இது என் வேலையா நான் தான் செய்ய வேண்டுமா என்று கேட்பதில்லை, நான் தான் செய்ய வேண்டும் என்று செய்கிறான். உதாரணம், வேலைக்கு செல்வது. மிஷின் தனமாக ஆயுட்காலத்தில் 25 வயது முதல் 60 வயது வரை, அதற்கு மேலும் விடாமல் வேலை. நடுவில் பெண்களுக்கு இருப்பதை போன்று மகப்பேறு விடுமுறை, குழந்தை வளர்ப்பு அப்படி இப்படி என்று எதுவும் இல்லை. குடும்பத்திற்கு தேவையான பொருளை ஈட்டவே அவனுக்கு சரியாக இருக்கிறது. ஒரே மாதிரி வேலையை,செக்குமாடு போன்று வாழ்நாள் முழுதும் செய்கிறார்கள். அதை அவர்களால் விட்டுவிடவும் முடியாது. ஏதோ ஒரு காரணத்திற்காக அப்படி விட்டுவிடக்கூடிய சூழல் வந்தால் அந்த ஆணை இந்த சமுதாயம் ஒரு மனிதனாக கூட மதிப்பதில்லை :) என்பது யதார்த்தம்.

பெண்ணின் புலம்பல்கள் பெண்ணியமாகிறது, ஆணின் அமைதி ஆணாதிக்கமாகிறது என்று தான் என் புரிதலாக இருக்கிறது. ஆண் விட்டுக்கொடுக்கும் வீட்டில் பெண் ஆடுகிறாள், பெண் விட்டுக்கொடுக்கும் வீட்டில் ஆண் ஆடுகிறான் என்றும் வைத்துக்கொள்ளலாம் :).

ஒரு சின்ன எடுத்துக்காட்டு. நேற்றைக்கு நீச்சல் குளத்தில் தண்ணீரில் மூச்சு திணறி உள்ளே சென்ற பெண்ணை, காப்பாற்ற சென்ற பெண்ணையும் அவள் உள்ளே இழுத்து செல்ல, சுற்றி இருந்த பெண்கள் அத்தனை பேரும் என்னையும் சேர்த்து செய்வதறியாது தவிக்க, லைஃப் கார்ட் (ஆண்) எங்கிருந்தோ சத்தம் கேட்டு ஓடி வந்து அதே வேகத்தில் குதித்து இருவரையும் காப்பற்றினார். அது அவருடைய வேலை என்பதை காட்டிலும், இரண்டு பெண்களையும் ஒரு சேர இழுந்து வந்த போட்டது அந்த ஆணின் ஆதிக்கமே... .... அவனின் ஆதிக்கம் அங்கே இல்லையென்றால் இரண்டு உயிர்கள் நேற்று போயிருக்கும். பெண்ணால் சட்டென்று முடியாத பல விஷயங்கள் ஆணால் முடியும். அதே சமயம் பெண்ணால் செய்ய முடியும் பலவை ஆணால் செய்யவே இயலாது. தாய்மையும், மனவலிமையும் அதற்கு எடுத்துக்காட்டுகள்.

மங்குனி அமைச்சர் எழுதியிருக்கும் "பெண்களே கவனம்" என்ற பதிவில் "நான் பெண் என்பதால் என்னை இப்படி உடுத்த சொல்லுவாயா? என் இஷ்டத்திற்கு மார்பு தெரிய நான் உடுத்துவேன், என்னை அப்படி உடுத்தக்கூடாது என்று சொல்லும் நீ மார்பு தெரியாமல் உடுத்துவாயா? என்று கேட்டால் - கண்டிப்பாக நஷ்டம் அவருக்கு இல்லை. :)

ஆதிக்கம் என்று பார்க்க போனால் இரண்டு பக்கத்திலிருந்தும் சின்ன விஷயங்கள் முதல் பெரிய விஷயங்கள் வரை இருந்துக்கொண்டு தான் இருக்கின்றன. ஆண்களின் ஆதிக்கம் பூதக்கண்ணாடி கொண்டு பார்க்கப்படுகிறது. பெண்களின் ஆதிக்கம் அவர்களின் இயல்பு என்று எடுத்துக்கொள்ளப்படுகிறது.

இதில் பெண்ணியம் பேசியும் ஆணாதிக்கவாதி என பறைசாற்றிக்கொண்டும் அவரவர் வாழ்க்கையை கெடுத்துக்கொள்ளாமல், இருவரும் அவரவர் வேலையை ஆண் பெண் ஈகோ இல்லாமல் செய்து வந்தாலே பிரச்சனை வராது...

அணில் குட்டி அனிதா : கவி.. இப்ப உங்களுக்கு என்ன தான் பிரச்சனை??.... I think something wrong with this woman..yaar.... should ignore this lady .. oveakkkkkkk எப்பப்பாத்தாலும் நைய நைய நையான்னு கிட்டு... உங்களுக்கு எப்படி இருக்கனுமோ இருந்துட்டு போங்களேன்... ஏன் சும்மா.. .எழுதி எழுதி சீன் போட்டுக்கிட்டு இருக்கீங்க? லூசாப்பா நீங்க????

பீட்டர் தாத்ஸ் : “Woman was taken out of man; not out of his head to top him, nor out of his feet to be trampled underfoot; but out of his side to be equal to him, under his arm to be protected, and near his heart to be loved”

.